Testo

Salve Regina

Largo
Salve Regina mater misericordiae
vita dulcedo et spes nostra!

Adagio
Ad te clamamus exules filii Evae
ad te suspiramus gementes et flentes
in hac lacrimarum valle.

Allegro
Eja ergo advocata nostra
illos tuos misericordes oculos
ad nos converte.
Et Jesum, benedictum
fructum ventris tui
nobis post hoc exilium
ostende nobis Jesum

Adagissimo
O clemens o pia
o dulcis virgo Maria,

O Qualis de Coelo Sonus

O qualis de coelo sonus
tamquam advenientis,
spiritus vehementis
totam reple domum amore?
et suavis aurae sibilus
mortalium corda dum perflat,
ad sanctos amoris aestus
improvisus invitat?

Ad plausus, ad jubila
pellantur cordis nubila,
recedat culpae nox.

Lux micat coelo fulgida,
aura spirat cordi turgida,
sancti amoris blanda est vox.

Eja ergo, mortalis,
ignarae caecitatis procul
pelle timores,
et tu, turba fidelis,
decantare divinos summi
regis amores.

Gaude, tellus benigna,
decora, sanctus amor
descendit ad te.
Cordis laus sit plena,
sonora, mentes nostras
invitet ad se.

Alleluja!

Gloria

Gloria in excelsis Deo
et in terra pax hominibus
bonae voluntatis.

Laudamus te, benedicimus te,
adoramus te, glorificamus te.
Gratias agimus tibi
propter magnam gloriam tuam.

Adagio
Domine Deus, Rex caelestis,
Deus Pater omnipotens,
Domine Fili unigenite,
Jesu Christe, Domine Deus,
Agnus Dei, Filius Patris.

Qui tollis peccata mundi,
miserere nobis.
Qui tollis peccata mundi,
suscipe deprecationem nostram.
Qui sedes ad dexteram Patris,
miserere nobis.

Andante
Quoniam tu solus sanctus,
tu solus Dominus,
tu solus altissimus, Jesu Christe,
cum Sancto Spiritu
in gloria Dei Patris.
Amen.